0,9 gr af lýsi

Tæpt kíló! Hljómar það ekki betur en 900 grömm?? Allavega það var staðreyndin eftir síðustu viku! Allt sem fer niður kemur aldrei upp aftur! Ég er sátt. Ég að sjálfsögðu var ekki í strangri megrun alla verslunarmannahelgina, þar sem ég fékk ekki pössun plús að við ákváðum að “make a day of it” á sunnudeginum… fórum að borða og fengum okkur smá hvítt & bjór… fjútt fjú – rómó og yndislegt! Algjör næring fyrir sálina mína, þar sem ég var búin að húka inni í fýlu alla helgina þá var þetta einmitt það sem að mínum vantaði! Svo að 900 grömm er alveg vel ásættanlegt!

Í morgun mældi ég mig alla aftur – kannski það sem mestu máli skiptir. Mér finnst hingað til ég hafa fundið mestan mun á maganum og upphandlegginum og það var kannski ekkert fjarri lagi hjá mér.

Magi: -4 cm

Rass: – 4 cm

Hægri læri: – 2 cm

Vinstra læri: – 3 cm

Brjóst: o cm

Upphandleggir: -2 cm hvor

Kálfar: +2 cm hvor!!!!!!

Hvað er í gangi með kálfana á mér?? Ég pínu orðlaus með það og svo líka með brjóstin…! En já – ég held að það hafi ekki verið skekkja í þessu – var mjög nákvæm síðast þegar ég mældi og gerði eins núna!  En já – þetta eru tölurnar!!!!

Hvernig gengur ykkur fór – Sukkmannahelgin alveg með ykkur?

Megrunarmannahelgin!

iii flottur titill – don´t you think! ?

En ég er ekkert orðin manísk neitt – nei nei – hvað heyrðuð þið eitthvað? Get samt pirrað mig alveg hrikalega að það er lokað í ræktinni minni á mánudaginn og ekki nóg með það – heldur líka í sundlauginni minni! Dí thanks! Ég verð þá bara að tækla það þannig að mánudagurinn verður þá bara sunnudagur og sunnudagur mánudagur… Eiginlega hvíldarfríið mitt á mánudaginn! Enda á það vel við – frídagur verslunarmanna og ég einmitt versla alltaf svo mikið!!!! Ég þarf samt þarf að púsla svoldið þessa helgi – redda pössun og fleira… lið er bara að ferðast út um allar trissur að drekka fitandi bjór!! Megi það verða feitt og ég ýkt mjó!!  - Og þar af leiðandi bíður það ekkert í röðum að biðja um að fá að passa fyrir mig! Furðulegt alveg. Ef allt fer á versta veg þá á ég hérna gym myndbönd á dvd – það verður þá heimaleikfimi og þá þessi alvöru – ekki þessi í rúminu…:) Eða kannski bara bæði! iii grín!

Nei en í hálfri alvöru þá er þetta djammlaus helgi, ég hef alveg átt mína frábæru spretti þessa helgi, skemmt mér konunglega í sjóstakk og rigningu að rifna úr hamingju! Verðeldur- flugeldar og brekkusöngur!! Já ég held ég fari að gráta ef ég heyri “Lífið er yndislegt”! Svona er þetta bara..! Og það er fínt!

Annars átti ég frábært móment í morgun – vona að enginn hafi haft cameru og ég sé komin á jútube! En sjitt hvað ég var minnst að botna þessa upphýfingarvél í ræktinni – ég endaði bara í mega vandræðu og ennþá meiri vandræðum að koma mér úr henni… uuuu alveg making a show þarna…! Það eitthvað að skoða þetta betur… gerði sig ekki alveg… ég gerði samt aðra æfingu í staðin.. svona þangað til ég sé einhvern í þessari eða næ að googla vandamálið!

Góða helgi góða fólk!

2 vikur – vika & vigtun!

Well well well! Nú eru liðnar 2 vikur síðan að ég byrjaði í átakinu! Liðin vika síðan ég byrjaði hjá fjarþjálfaranum og í dag var vigtunardagur. Ég vigtaði mig nú fyrir 3 dögum eða svo, svo að ég vissi hvað var í vændum! 2,7 kg hafa kvatt & koma ekki aftur.  Bara gleði & hamingja.

Nú er ég einnig búin að vera í viku og fjarþjálfaraprógramminu. Ég er sem sagt búin að taka “einn hring” af æfingum og líst bara vel á. Þetta tekur að sjálfsögðu tíma, er að leita af tækjunum í nýju stöðinni sem að ég er að æfa hjá….pínu kannski feimin með það. En er búin að taka vel á. Matarræðið er líka ágætt, en mér tekst ekki eins vel að fylgja því eftir, það er samt ekki því ég er að borða svo óhollt eða fá mér aukalega. Það tekur tíma að elda, borða og undirbúa allan þennan mat. Ég geri mitt besta og sumir dagar eru betri en aðrir. En það stundum vantar inní hjá mér. Annars er ég ekkert að stressast með þetta, ég hef enga þörf fyrr sykur eða snakk og fékk mér að segja ekki neitt nammi á síðasta sunnudag – þegar ég mátti það samkvæmt lögum Mig langar að borða hollt. Og ég held ég sé svona 85% að fylgja matarprógramminu stundum fer bara sumt forgörðum.

Ég get samt stundum ekki annað en hlegið að sjálfri mér – eða bara mannskepnunni yfir höfuð! Þessi 2,7 kg does not feel like 2,7 kg – mér sjálfri líður eins og 10 kg hafi farið. Mér líður allri minni og stinnari og stundum ligg ég og strýk magann himinglöð yfir hvað hann hefur minnkað. Kjáni. Sem aukaverkun hef ég líka fengið rosalega orku, það er ótrúlegt. Hlutir sem ég hef slegið á frest síðan fyrir aldamót hafa loksins verið framkvæmdir á núll einni! Ég er öll bara svo létt á mér og spræk! PÆLIÐ – eftir 2,7 kg!  Hvaða rugl er þetta? Ég hef alveg séð þessa tölu áður á vigtinni sem er núna og þá var ég ekkert þessi hressi Bessi, minnir að ég hafi legið bjúguð og ljót að suða yfir aukakílóunum uppí sófa!   – Það er nefnilega líka ofboðslega gefandi að vita að maður er að vinna í sínum málum – ekki bara að hugsa um það!

Svo bottom line: Hér er allt gott að frétta. Ég er hress og spræk og stefni óðum á sléttan maga og kúlurass!

Leynivigtun

Í raun er vigtunardagurinn ekki í dag…. en stóðst ekki mátið. Ekkert komist á mína vigt! Og laumaðist því á hana í morgun – staðreyndin var 2,4 kg UPP — iiii djók að sjálfsögðu NIÐUR! Ég get ekki annað en verið sátt eftir 11 daga og tala nú ekki um að í gærkvöldi var frjáls máltíð – svo að það var pizza. Dagurinn í gær var alls ekki góður, hann var fullur af reddingum og að reyna að borða hollt. Borðaði alls ekki nóg og ekki samkvæmt plani. En ætla ekkert að væla yfir því, þetta var bara einn dagur sem var ekki fullkominn. Það mun ekki gerast oft, en já það gerðist og ekkert við því að gera.

Fyrir utan að í gær var líka hvíldardagur og eins og áður var sagt – var tekin ein frjáls máltíð! Það var alveg kominn tími á þetta tvennt. Ég fann það á æfingunni á laugardaginn ( sem var þá 10 æfingin í röð ) að það var alveg kominn tími á hvíld. Lappirnar voru lúnar og þreyttar og andinn var líka hálf líflaus. Það var líka kominn tími á frjálsa máltíð enda verið að borða algjörlega hollt í 10 daga… andinn var líka farinn að kalla á eitthvað.  Fór bara hamingjusöm á vigtina í morgn, hlakka til að fara á æfingu á eftir og matarræðið í dag mun verða perfectamento. Þetta gerðin engann skaða fyrir gírinn! Vaknaði ekki í morgun andlaus og fúl með samviskubit yfir pizzunni – ó nei , ný vika, nýr dagur…

Status update!

Nú er dagur tvö í matarræðinu og ræktinni samkvæmt ofurþjálfaranum! Æfingin í gær var awsome, þvílíkt sem að ég svitnaði…svín hefði fengið minnimáttarkennd! Matarræðið er að rúllast í gang, þetta tekur smá aðlögunartíma og ég er ekki alveg 100% á öllu, en held ég sé að gera þetta á réttan hátt! Bara gleði og hamingja í gangi! Var svo annar ræktartími í hádeginu sem gekk vel og tók vel, grunar að umtöluðu harðsperrurnar láti sjá sig á morgun!

Mér líður rosalega vel. Elska að leggjast upp í rúm á kvöldin, södd og sæl og fullkomlega sátt við daginn matarlega séð. Engin hugsun að maður geri betur á morgun eða byrji í næstu viku.  Tíminn er núna.  Ég er núna búin að vera rosalega dugleg í viku, ekkert samviskubit og hollusta all the way.

Það er ótrúlega gott að vera í gírnum, hefur áhrif á allt annað finnst mér.

Í kvöld er matarboð reyndar, með vinkonum sem búa erlendis og ég hef ekki séð í langan tíma….. var nú búin að láta gestgjafann vita að ég myndi nú líklegast borða lítið og ætla að vera búin að borða minn skammt áður en ég fer… erfiðara er hins vegar að neita sér um þetta hvíta sem vekur gleði í brjósi og losar um málmeinið og hláturtaugarnar. En ætla að segja pass í þetta skiptið hugsa ég… maður getur víst ekki fengið allt. Eins og þjóðþekkt manneksja hefur látið hafa eftir sér, segi ég : “Minn tími mun koma”

Let the games begin!

Þá er komið að því! Fékk allt frá þjálfaranum í gærkvöldi, æfingaplan og matarplan. Ég hélt ég væri ansi sjóuð í bransanum en greinilega ekki. Matur sem að ég hélt í einlægu sakleysi að væri góð og fín fæða, er það greinilega ekki. Ég hef verið flengd og þarf að fara að temja mér nýja hætti.

Dagurinn í dag, fer aðallega í að sanka að sér mat og bætiefni sem ég þarf að eiga til að geta uppfyllt hina fullkomnu matardagbók og svo byrja ég einnig á æfingarprógramminu á morgun! Plús að mæla mig alla með málbandi í fyrramálið! (Get ekki sagt að ég sé spennt)  Á hins vegar minn mælikvarða hef ég verið að borða mjög fínt og æfa alla daga eins og herforingi og finn mun á mér. Hef hins vegar ekki vigtað mig og mun ekki gera það alveg strax að þeirri ástæðu að ég hef ekki aðgang að vigtinni “minni” í augnablikinu!  - Það koma því ekki tölur fyrr en á mánudaginn næsta!

Kæróinn minn hlær bara að mér þegar ég segi honum allt sem má og má ekki, honum hefur hingað til ég ávallt hafa verið of góð við sjálfa mig Eins og bersýnilega sést… held að hann sé spenntur með mér. Hann er alveg semi-mikill ræktarunnandi og mun væntanlega bara aukast áhuginn hjá honum þegar skvísan er með ofurmáltíðir í matinn!  - Eða ég er að vona það, varla fer hann að leggjast í pizzuát núna:)

Litli efasemdarpúkinn á öxlinni er samt að spyrja mig í sífellu hvað í andskotanum ég var að pæla í að byrja í þessu svona um mitt sumar… þar sem grill, hvítt, bjór á að leika aðalhlutverk…. en það kemur sumar eftir þetta sumar… og þá líklega verð ég grönn & sæt og lúkka mikið betur með hvítvínsglasið!!!!! Já maður lætur sig dreyma!

Segðu Ssíííííííssssss

So far so good. Holl og dugleg stelpa sem að hér skrifar. Stelpu sem líður vel, finnur renna af sér og orkan í hámarki! Oh maður er svo ýktur, allt svo meiriháttar frábært þegar maður er duglegur og maður skilur ekki sitt gamla líferni – alveg á innsoginu “hvað var ég að hugsa” – fyndinn getur maður verið! Vonum að þetta sé komið til að vera  Ég sé að breytast í brjálæðislega heilsufrík…! Eina sem ég sakna er hvítvínsins – en það verður að vera þá spari.. ekki svona sötr eins og ég hef verið að stunda af áfergju í sumar..! Hóst hóst…

Þó svo að ég sé ekki public hérna online, með nafnleynd og enga mynd, þá eftir að ég tók myndina fyrir fjarþjálfarann ákvað ég að það yrði kannski bara gert aftur eftir x langann tíma – plús að taka andlistsmyndir vikulega. Sú fyrsta var tekin í gær.. ég er fáránlega fljót að fitna í framan..verð bara moonface eitthvað… svo að héðan í frá verður sííííssss á sunnudögum…

Og ef þið verðið góð – þá sjáið þið kannski myndunum bregða fyrir ( og ef ég næ árangri )  - hahaha Ekkert gaman að sýna myndir af manneskju að fitna!

Knús í blíðuna

Einvera

On track..

Jæja, þá er ég búin að skila inn gögnum til fjar-einkaþjálfarans, þriggja daga matarplan…og blessaðri body myndinni af mér- sem ég á vonandi eftir að gapa á eftir nokkra mánuði og segja “Hvernig í andskotanum leyfði ég mér að verða svona” – Sjitt hvað ég er feit á þessari mynd…almáttugur guð og allir heilagir! Djísus djónes..! Nú bíð ég eftir plani….og í millitíðinni held áfram on track!

Þetta gengur ótrúlega snuðrulaust fyrir sig, aldrei svöng eða neitt slíkt… hef verið að borða ágætlega að ég held.. kannski of lítið ef eitthvað er.

Búin að fara tvisvar í ræktina og harðsperrurnar eru eftir því, alveg fáránlega miklar… litlu vöðvarnir sem hafa haft það kósý undanfarnir eru byrjaðir í vinnunni greyin! Uuuu Ekkert greyin!  Gott á þá!

Nú er komið að þessu!

Dagur eitt & hálfur :)

Jæja – dagurinn í gær gekk glimrandi – hollusta all the way. Ég var samt pínu busy og endaði á Serrano í kvöldmat, með gúrkusósu og ætti hann ekki að vera neitt of óhollur. Ég var hins vegar orðin mjög svo hungruð í gærkvöldi þegar ég loksins settist niður ( alveg seint um kvöld ) ég ákvað þó að taka frekar bara meistara morgunmat og sleppa að fara í eitthvað át, þarna um miðnætti…er það annars ekki svo vibba óhollt? Svo var ég nú bara góð þegar ég vaknaði og tók bara hafragrautinn góða á þetta.

Fór í ræktina í dag, tók vel á því – cardio, var í tæpan klukkutíma og var alveg eðal fjólublá í smettinu þegar út var komin! Er skert blóðflæði í hausinn á mér? Myndi útskýra margt

Ræktin á morgun líka – á date at the gym um 11… frábært að hafa einhver með sér.

Ég á að skila af mér matardagbók, svo að maður reynir að sjálfsögðu að haga sér eins og manneskja..:)

Að takast á við hlutina – from fat to fit

Það er bara þannig. Ég lagði upp í þessa ferð, alveg handviss á þeim tímapunkti að þetta væri að fara að gerast. Mér fannst hugafarið mitt miklu betra en það hefur nokkurn tímann verið, fannst ég skynsöm. Já ólíkt við margar skyndimegrunirnar sem ég hafði iðkað af miklum ákafa áður fyrr. Ég var viss um eitt, ég vildi ekki skyndilausn, engin duft, ekkert te, enga vitleysu.  Ég er þó hlynnt því að fá sér prótein með, en ekkert til að lifa á. Það er svo sem ekki hægt að segja annað, en að þetta gekk ekki. Allvega ekki matarlega séð. Hlaupin þó hafa gengið ágætlega og er ég farin að geta hlaupið í tæpan hálftíma án þess að stoppa ( ég var að springa eftir mín fyrst )  - en eitthvað er erfitt með hitt. Og ég þoli það ekki. Þetta er ekki það sem ég vil. Ég vil vera grennri, ég vil vera “fit” – ég vil lifa lífinu þar sem uppstaðan er hollur og næringarríkur matur og mér líði illa án þess að hreyfa mig. Ég vil líka fyrst og fremst vera fyrirmynd barnanna minna. Ég vil ekki skerða tímann minn á jörðinni vegna fitu. Vilji og hugur eru sammála, framkvæmdavaldið er eitthvað brotið – kannski bara alveg eins og á Íslandi í dag?

En – þar sem ég get auðveldlega viðurkennt mistök mín, þá ákvað ég að leita mér aðstoðar. Ég hef alla kunnáttu í heiminum til að geta fækkað kílóunum, ég veit hvað ég á að borða, hvað ég á að hreyfa mig. En það er ekki nóg að kunna… ég kann líka að keyra en myndi aldrei vinna kappakstur. Kunna er ekki nóg. Ég þarf aðstoð til að nýta mér kunnáttu mína til framkvæmda.

Í dag byrjaði ég í fjarþjálfun. Tekin var mynd af kroppnum í morgun, talan skráð samviskusamlega og nú á að halda matardagbók og hendast af fullum þunga í ræktina! Við vitum öll að hálftíma skokk þrisvar í viku er ekki að gera nein kraftarverk, þó svo að þau séu nú betri en margt annað.  - Og best of all – þið fáið að fylgjast með.

Ég hef aldrei hætt að lesa bloggin. Vá hvað margir eru duglegir… ég er að segja ykkur það – ég ætla mér að vera grönn!

VANDAMÁLIN ERU TIL AÐ TAKAST Á VIÐ ÞAU.

Daginn sem að maður hættir að reyna er dagurinn sem að maður tapaði!